• +977-014620824
  • All In One Mart D.U6, Minbhawan, Kathmandu
  •   titepati2070@gmail.com

कविता - मौसम नै चुनावमय बन्दै- पुस्पा जोशी ‘काली’

Published : 3 years ago


मौसम नै चुनावमय बन्दै

मौसमले पनि आज

आफ्नो रुपरङ्ग फेर्दै छ क्यारे

सायद चुनावको माहोलले स्पर्स गरेछ

उस्लाइ पनि !

त्यसैले होला

आज बिहानै

मौसम ,लाली लागाएर

ओठमा मिठो मुस्कानक साथ उदाइन

सोह्र श्रीङ्गारमा सजिएकी

यौवनले उन्मुक्त

मानौ,कुनै लोककी परी भन्दा कम छैनिन उनी,

फरक यति छ,

मौसमले यतिबेला

चुनावमा जनताहरुका भोट पाउने लालचमा

आफुलाइ पुरै झुट ,छल र कपटले सजाएकी छिन







मानौ,

मौसमको पहिरन झुट र श्रीङ्गार मिठा मिठा सपनाहरु देखाउने,

मधुर वाणी भएको छ

मौसमको यस्तो

मोहिनी अवतारको दर्शन

चुनाव आउने बेला मात्र ,देख्न पाइने हुँदा

मौसमका,कयौ भक्तजनहरु

भजन ,किर्तन गर्दैछन

किर्तन मण्डली हुदैछ

गाउँ गाउँ अनि बस्ती बस्ती तिर

भजन र किर्तनमा जनताहरुलाइ

मन्त्रमुग्ध पारिदैछन

भजन किर्तनको भाव जस्तो सुकै किन नहोस !

सुन्दा बडा मीठो र रोचक भएका कारण

सोजासाजा जनताहरु पनि

झुम्दैछन

तर ,सबै मिठा लाग्ने कुराहरु

स्वस्थ्यबर्धक हुदैनन,

भन्ने कुरा मात्र बुझिदिए पनि

मौसमले जति श्रीङ्गार पटार गरे पनि

कोइ झुक्किने वाला थिएनन

मौसम फेरि परिबर्तन हुन्छ

एकनास कहिल्यै रहदैन

छिनछिनमा परिवर्तन हुनु

उस्को नियति नै हो ।

 

पुस्पा जोशी ‘काली’

धनगढी ,कैलाली