यो मुटुको भित्तामा तस्बिर खडाएर जान्छौ

आउछौ याद बनेर धड्कन बढाएर जान्छौ

मेट्दै हुन्छु तिम्रो तस्बिर यो दिलबाट बिस्तारै

नसोधी आउछौ दिलमै पस्छौ याद गडाएर जान्छौ

 

साच्चै बिर्सिएउ झै लाग्छ अचेल मलाई

सपनीमा सम्झनाको फुलपाटी चढाएर जान्छौ

 

बिर्सिएर सबै अतीत हासी बाँच्न देऊ न

जहिले आउछौ यादको महल ठडाएर जान्छौ

 

यो मुटुको भित्तामा तस्बिर खडाएर जान्छौ

आउछौ याद बनेर धड्कन बढाएर जान्छौ

 

तिल्ता मगर ‘अतीत’

रुपन्देही बेलहिया