• +977-014620824
  • All In One Mart D.U6, Minbhawan, Kathmandu
  •   titepati2070@gmail.com

गजल -मनमा उर्लिएका भावहरु गजल बन्नेछन- तारा शर्मा

Published : 3 years ago


साच्चै यादगार अब प्रत्येक , पल बन्नेछन।

मनमा उर्लिएका भावहरु, गजल बन्नेछन।।







आज म खरको झुपडीमा छु त के भयो ?

एक दिन संसारकै सुन्दर, महल बन्नेछन।

 

आँखा अगाडिका यि,चट्टानका पहाड पनि

ज्वालामुखीका लाभा सरी, तरल बन्नेछन।

 

घमन्डको पर्खाल नउभ्याए  हुन्छ  कसैले :

उच्च भूमि पनि कुनै दिन, खाडल बन्नेछन।

 

सधैँ  समय  खराब  चल्दैन  कसैको  पनि :

नामुद फटाहा पनि कुनै दिन,असल बन्नेछन।

 

हेर्दै जाउ  एकदिन चम्किनेछु #तारा बनेर :

मेरा पछि कैयौँ ब्यक्तिहरु, पागल बन्नेछन ।।

 

तारा शर्मा

भरतपुर चितवन