तिमीलाई भेट्न भनि आउदिन म पक्का भयो

अरुलाई तिम्रा कुरा बताउदिन म पक्का भयो

 

मायामा धेर शंका हुन्छ भन्ने मैले थाहा पाए

त्यसैले त माया पनि लाउदिन म पक्का भयो

 

जति पुजेपनि ढुङ्गा देउता बनी बोलेको छैन

पुजा गर्न मन्दिर अब धाउदिन म पक्का भयो

 

जता पाइला चाल्छु म हार हुन्छ पाइलै पिछे

जिन्दगीमा जित्न कहिले पाउदिन म पक्का भयो

 

सफल भए राम्रो हुन्छ बिछोड हुँदा पोल्छ मुटु

मुटु पोल्न पिरतिको घर छाउदिन म पक्का भयो

 

सुस्मिता पौडेल

बाह्रबिसे सिन्धुपाल्चोक