बिपनीमा  बिर्सु   भन्छु  सपनीमा  छल्यो  फेरि

दरिएको मनको बिश्वास थाहै नपाई ढल्यो फेरि

 

मनको साइनो बिर्सिएर तिमीले पराई ठानेपछी

दुख्छ मुटु  पोल्छ  छाती  सबै  कुरा  जानेपछि

हिड्ने मन छ लामै बाटो शरीर पूरै गल्यो फेरि

दरिएको मनको बिश्वास थाहै नपाई ढल्यो फेरि

 

शितल दिन सकेन भो  चौतारीको  वरले  आज

घाम पानी नछेक्ने भो आफ्नै प्यारो घरले आज

मनको आगो निभाउँ भन्छु दन्किएर बल्यो फेरि

दरिएको मनको बिश्वास थाहै नपाई ढल्यो फेरि

 

घमाइलो दिन छ भन्छन् मनको बादल हटेन खै

झनझन बढ्छ उहि व्यथा  अलिकती  घटेन  खै

बसन्तको याममा पनि मनमा आँधी चल्यो फेरि

दरिएको मनको बिश्वास थाहै नपाई ढल्यो फेरि

 

बिपनीमा बिर्सु   भन्छु  सपनीमा  छल्यो  फेरि

दरिएको मनको बिश्वास थाहै नपाई ढल्यो फेरि

     मिना चौलागाईं

          पाँचखाल