• +977-014620824
  • All In One Mart D.U6, Minbhawan, Kathmandu
  •   titepati2070@gmail.com

गजल- जादुमय तरिकाले यी आँखा झुक्याउँछन्- भूमा डि.सी.

Published : 1 year ago


जादुमय तरिकाले यी आँखा झुक्याउँछन्

सखा न‌ै फूलको मुनि काँडा बिछ्याउँछन्

 

अभाव र रोग एकैसाथ घरमा प्रवेश गरेर

बारम्बार ती मेरो गरिबीलाई गिज्याउँछन्

 

अन्धो कानुन,बहिरो न्याय छ बुझ्नुपर्छ नि

छोरी लुटिँदा बेकारमा गुहार चिच्याउँछन्

 

बरु मातापिताको त्यति हेरचाह हुन्नहोला 

छोराछोरी त्यतिधेरै कुकुर सुमसुम्याउँछन्

 

त्त्यतिबेला नै चिन्न छोडिदिन्छन् साथीहरू

जब मेरो जेबमा भाको पैसा सिध्याउँछन्  ।

 

          भूमा डि.सी.

            दाङ