• +977-014620824
  • All In One Mart D.U6, Minbhawan, Kathmandu
  •   titepati2070@gmail.com

गजल-जनताले नै चाहेजस्तो भयो त हजुर ?- रामचन्द्र भट्टराई

Published : 1 month ago


गणतन्त्र नै आए जस्तो भयो त हजुर ?

जनताले नै  चाहेजस्तो भयो त हजुर ?

 

भन्नुभएको थियो समृद्धि हाम्रै पालामा

टुँडीखेलमा कराए जस्तो भयो त हजुर ?

 

चुनावको बेलामा मख्ख  थिए कार्यकर्ता

भाषणमा ताली लाए जस्तो भयो त हजुर ?

 

धेरै थिए आशा अनि परिवर्तनका अपेक्षा

जयकारको गीत गाए जस्तो भयो त हजुर ?

 

एकपटक मुल्यांकन गरौ कि त नेता जि

जनमतले न्याय पाए जस्तो भयो त हजुर ?

 

रामचन्द्र भट्टराई

स्याङ्जा