• +977-014620824
  • All In One Mart D.U6, Minbhawan, Kathmandu
  •   titepati2070@gmail.com

गजल- एक पल पनि छैन भन्छौ मलाई नसम्झेको- सृष्टि सावित्रा

Published : 1 month ago


जति  खाए  पनि  पीरको  ओखती  लाग्दैन ।

जिन्दगी  बगर  लाग्छ बगर जिन्दगी लाग्दैन ।

 

तिम्रो  अघि  मात्रै  हो डराउने झुक्ने भनेको !

यो  दुनियाँको अघि आफू कमजोरी लाग्दैन ।

 

एक  पल  पनि छैन भन्छौ मलाई नसम्झेको !

कसरी  बिश्वास  गरौं  मलाई बाडुली लाग्दैन ।

 

नामको पछि महोदय लाग्यो तिमी बदलियौ ।

म कसरी बदलिउँ ? नामको पछि जी लाग्दैन ।

 

जब देखि तिमी मेरो कमजोरी खोज्दै हिड्यौ ।

त्यहीदिन  बाट  गद्दार  लाग्छ  साथी  लाग्दैन ।

 

सृष्टि सावित्रा

सुन्दर हरैँचा न.पा. मोरङ